مەرەيتويعا دايىندىق بارىسى تۋرالى تىلدەردى دامىتۋ باسقارماسىنىڭ باسشىسى كەمەل وسپانوۆ باياندادى. ونىڭ ايتۋىنشا مەرەكەلىك جوسپار اياسىندا 250-گە جۋىق ءىس-شارا وتكىزۋ بەلگىلەنگەن. «ماعجان كوكتەمى» رەسپۋبليكالىق ونەر فەستيۆالى ۇلت قايراتكەرىنىڭ تۋعان كۇنىنە وراي ۇيىمداستىرىلادى. ماعجان وقۋلارى, اقىندار ايتىسى, وقۋشىلار اراسىندا عىلىمي جوبالار بايقاۋى ءورىس الادى. ونداعى باستى ماقسات جەرلەسىمىزدىڭ ونەگەلى ءومىرى مەن شىعارماشىلىق مۇراسىن ناسيحاتتاۋ بولىپ تابىلادى.
قۇمار ىرگەباي ۇلى حالىقارالىق تۇركسوي ۇيىمىنىڭ باستاماسىمەن اقىننىڭ مەرەيتويىن وسى ۇيىمعا كىرەتىن ەلدەردە وتكىزۋ تۋرالى شەشىم قابىلدانعانىن جەتكىزدى. تۇركى الەمىندە 2018 جىل «ماعجان جۇماباەۆ جىلى» بولىپ جاريالانۋىنا بايلانىستى اقپان ايىندا كاستامونۋ جانە انكارا قالالارىندا باستاۋ الادى. ءىس شارالار ەلىمىزدىڭ وزگە ايماقتارىن دا قامتيدى.
عىلىمي-زەرتتەۋ جۇمىستارىندا, تاجىريبەلىك كونفەرەنتسيالاردا جەرلەسىمىزدىڭ شىعارماشىلىعى كەڭىنەن دارىپتەلۋى كەرەك. جارىققا شىقپاعان تۋىندىلارىن تاۋىپ, جاريالاۋ قاجەت. وسى باعىتتا اتقارىلاتىن كەز كەلگەن شارا جاس بۋىننىڭ بويىندا وتانسۇيگىشتىك, ەلجاندىلىق قاسيەتتەردى قالىپتاستىرۋعا قىزمەت ەتۋى ءتيىس, دەپ اتاپ كورسەتتى ق. اقساقالوۆ. اقىننىڭ تۋعان اۋىلى سارىتوماردى اباتتاندىرۋعا قاجەتتى قاراجات بولىنەتىنىن ايتا كەلىپ, م. جۇماباەۆ اۋدانىنىڭ اكىمى اسقار بەگمانوۆقا بىرقاتار بىرقاتار تاپسىرمالار جۇكتەدى.
الداعى ۋاقىتتا قازاقستان رەسپۋبليكاسىنىڭ تەڭگە سارايىنا تاپسىرىس بەرۋ ارقىلى مەرەيتويلىق مەدال مەن مونەتا, سونىمەن قاتار ماعجان جۇماباەۆتىڭ ءومىرى مەن شىعارماشىلىعىنا ارنالعان ەكىتومدىق جيناق شىعارۋ كوزدەلىپ وتىر.
«رۋحاني جاڭعىرۋ» باعدارلاماسى اياسىندا بۇدان باسقا شارالار دا قولعا الىناتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
